Available languages

Taxonomy tags

Info

References in this case

Share

Highlight in text

Go





Sentenza tal-Qorti tal-Prim’Istanza (Il-Ħames Awla Estiża) tad-9 ta’ Settembru 2009 – Diputación Foral de Álava et vs Il-Kummissjoni

(Kawżi T-230/01 sa T-232/01 u T-267/01 sa T-269/01)

“Għajnuna mill-Istat – Vantaġġi fiskali mogħtija minn entità territorjali ta’ Stat Membru – Tnaqqis tal-bażi taxxabbli tat-taxxa fuq il-kumpanniji - Deċiżjonijiet li jiddikjaraw l-iskemi ta’ għajnuna inkompatibbli mas-suq komuni u li jordnaw l-irkupru tal-għajnuna mħallsa – Assoċjazzjoni professjonali – Ammissibbiltà – Rinunzja ta’ motiv – Klassifikazzjoni ta’ għajnuna ġdida jew ta’ għajnuna eżistenti – Prinċipju ta’ protezzjoni tal-aspettattivi leġittimi – Prinċipju ta’ ċertezza legali – Prinċipju ta’ proporzjonalità”

1.                     Proċedura - Suġġett tal-kawża - Emenda fil-mori tal-kawża - Projbizzjoni (Regoli tal-Proċedura tal-Qorti tal-Prim’Istanza, Artikolu 48(2)) (ara l-punti 80-88)

2.                     Proċedura - Intervent - Ammissibbiltà – Eżami mill-ġdid wara digriet preċedenti li jirrikonoxxi l-ammissibbiltà (Statut tal-Qorti tal-Ġustizzja, it-tieni paragrafu tal-Artikolu 40) (ara l-punt 91)

3.                     Proċedura - Intervent - Persuni interessati - Assoċjazzjoni rappreżentattiva li għandha bħala għan il-protezzjoni tal-membri tagħha - Ammissibbiltà f’kawżi li jqajmu kwistjonijiet ta’ prinċipju tali li jaffettwaw lil dawn il-membri (Statut tal-Qorti tal-Ġustizzja, Artikoli 40(2) u 53(1)) (ara l-punti 93-100)

4.                     Proċedura - Rikors għal intervent - Rekwiżiti proċedurali (Regoli tal-Proċedura tal-Qorti tal-Prim’Istanza, it-tieni subparagrafu tal-Artikolu 116(4)) (ara l-punti 104-107, 110, 111)

5.                     Rikors għal annullament - Persuni fiżiċi jew ġuridiċi - Atti li jikkonċernawhom direttament u individwalment - Deċiżjoni tal-Kummissjoni li tikkonstata l-inkompatibbiltà ta’ skema ta’ għajnuna mas-suq komuni - Rikors ta’ assoċjazzjoni professjonali li tipproteġi u tirrappreżenta l-membri tagħha (ir-raba’ paragrafu tal-Artikolu 230 KE) (ara l-punti 117-128)

6.                     Għajnuna mogħtija mill-Istati - Kunċett - Għoti mill-awtoritajiet pubbliċi ta’ eżenzjoni fiskali lil ċerti impriżi - Inklużjoni (Artikolu 87(1) KE) (ara l-punti 134-136, 140, 195)

7.                     Għajnuna mogħtija mill-Istati - Eżami tal-ilmenti - Obbligi tal-Kummissjoni - Motivazzjoni (Artikoli 87(2) KE u 253 KE) (ara l-punti 146-148)

8.                     Għajnuna mogħtija mill-Istati - Effett fuq il-kummerċ bejn l-Istati Membri - Effett ħażin fuq il-kompetizzjoni - Kriterji ta’ evalwazzjoni - Eżami ta’ skema ta’ għajnuna meħuda fl-intier tagħha (Artikolu 87 KE) (ara l-punti 152, 153)

9.                     Għajnuna mogħtija mill-Istati - Effett fuq il-kummerċ bejn Stati Membri - Effett ħażin fuq il-kompetizzjoni - Għajnuna ta’ importanza żgħira - Għajnuna ta’ natura temporanja - Nuqqas ta’ effett (Artikolu 87(1) KE) (ara l-punt 158)

10.                     Għajnuna mogħtija mill-Istati - Kunċett - Natura selettiva tal-miżura - Leġiżlazzjoni nazzjonali li tistabbilixxi kreditu ta’ taxxa (Artikolu 87(1) KE) (ara l-punti 169-173, 177, 178)

11.                     Għajnuna mogħtija mill-Istati - Kunċett - Għajnuna mogħtija minn entitajiet reġjonali jew lokali - Inklużjoni (Artikolu 87(1) KE) (punt 189)

12.                     Għajnuna mogħtija mill-Istati - Kunċett - Miżura fiskali speċifika - Natura selettiva tal-miżura - Ġustifikazzjoni bbażata fuq in-natura jew l-istruttura tas-sistema fiskali - Esklużjoni (Artikolu 87(1) KE) (ara l-punti 190, 191, 195, 196)

13.                     Għajnuna mogħtija mill-Istati - Projbizzjoni - Derogi - Għajnuna li tista’ titqies li hija kompatibbli mas-suq komuni - Setgħa diskrezzjonali tal-Kummissjoni (Artikolu 87(3) KE) (ara l-punti 210, 211)

14.                     Għajnuna mogħtija mill-Istati - Projbizzjoni - Derogi - Għajnuna li tista’ tibbenefika mid-deroga prevista fl-Artikolu 87(3)(ċ) KE - Għajnuna għat-tħaddim - Esklużjoni (Artikolu 87(3)(ċ) KE) (ara l-punti 219-222)

15.                     Għajnuna mogħtija mill-Istati - Għajnuna eżistenti u għajnuna ġdida - Klassifikazzjoni bħala għajnuna eżistenti - Kriterji - Miżura li temenda sostanzjalment skema ta’ għajnuna eżistenti - Esklużjoni (Artikoli 87 KE u 88 KE) (ara l-punti 239-246)

16.                     Għajnuna mogħtija mill-Istati - Għajnuna eżistenti u għajnuna ġdida - Klassifikazzjoni ta’ għajnuna eżistenti - Kriterji - Żvilupp tas-suq komuni (Artikoli 87 u 88 KE; Regolament tal-Kunsill Nru 659/1999, Artikolu 1(b)(v)) (ara l-punti 251, 253, 257)

17.                     Għajnuna mogħtija mill-Istati - Proċedura amministrattiva - Dritt tal-partijiet interessati li jissottomettu l-kummenti tagħhom (Artikolu 88 KE; Regolament tal-Kunsill Nru 659/1999, Artikolu 6(1)) (ara l-punti 266-279)

18.                     Proċedura - Intervent – Rikors intiż li jsostni t-talbiet ta’ waħda mill-partijiet (Statut tal-Qorti tal-Ġustizzja, ir-raba’ paragrafu tal-Artikolu 40, Regoli tal-Proċedura tal-Qorti tal-Prim’Istanza, Artikolu 116(3)) (ara l-punti 301-303)

19.                     Għajnuna mogħtija mill-Istati - Eżami mill-Kummissjoni - Proċedura ta’ eżami qabel id-dħul fis-seħħ tar-Regolament Nru 659/1999 - Nuqqas ta’ ssuġġettar għal termini speċifiċi - Limitu - Osservanza tar-rekwiżiti taċ-ċertezza legali - Obbligu li jii konkluż fi żmien raġonevoli l-eżami preliminari miftuħ wara lment (Artikolu 88 KE; Regolament tal-Kunsill Nru 659/1999) (ara l-punti 305-315)

20.                     Għajnuna mogħtija mill-Istati - Irkupru ta’ għajnuna illegali - Għajnuna mogħtija bi ksur tar-Regoli tal-Proċedura tal-Artikolu 88 KE - Aspettattivi leġittimi eventwali tal-benefiċjarji - Protezzjoni - Kundizzjonijiet u limiti (l-ewwel subparagrafu tal-Artikolu 88(2) KE) (ara l-punti 316-320)

21.                     Għajnuna mogħtija mill-Istati – Proġetti ta’ għajnuna - Eżami mill-Kummissjoni - Fażi preliminari u fażi kontradittorja - Osservanza ta’ terminu raġonevoli (Artikolu 88(2) u (3) KE) (ara l-punti 339-344, 349)

22.                     Għajnuna mogħtija mill-Istati - Irkupru ta’ għajnuna illegali - Ksur tal-prinċipju ta’ proporzjonalità - Assenza (l-ewwel subparagrafu tal-Artikolu 88(2) KE) (ara l-punti 374-377)

Suġġett

Fil-Kawżi T-230/01 u T-267/01, talba għall-annullament tad-Deċiżjoni tal-Kummissjoni 2002/892/KE, tal-11 ta’ Lulju 2001, dwar skema ta’ għajnuna mill-Istat implementata minn Spanja favur ċerti impriżi ġodda fil-provinċja ta’ Álava (ĠU 2002, L 314, p. 1), fil-Kawżi T-231/01 u T-268/01, talba għall-annullament tad-Deċiżjoni 2002/806/KE tal-Kummissjoni, tal-11 ta’ Lulju 2001, dwar l-iskema ta’ għajnuna mill-Istat implementata minn Spanja favur ċerti impriżi ġodda fil-provinċja ta’ Vizcaya (ĠU 2002, L 279, p. 35), u, fil-Kawżi T-232/01 u T-269/01, talba għall-annullament tad-Deċiżjoni 2002/540/KE tal-Kummissjoni, tal-11 ta’ Lulju 2001, dwar l-iskema ta’ għajnuna mill-Istat implementata minn Spanja favur ċerti impriżi ġodda fil-provinċja ta’ Guipúzcoa (ĠU 2002, L 174, p. 31).

Dispożittiv

1)

Il-Kawżi T-230/01, T-231/01, T-232/01, T-267/01, T-268/01 u T-269/01 huma magħquda għall-finijiet tas-sentenza.

2)

Ir-rikorsi huma miċħuda.

3)

Fil-Kawżi T-230/01 sa T-232/01:

–        it-Territorio Histórico de Álava – Diputación Foral de Álava, it-Territorio Histórico de Vizcaya – Diputación Foral de Vizcaya, it-Territorio Histórico de Guipúzcoa – Diputación Foral de Guipúzcoa u l-Comunidad autónoma del País Vasco − Gobierno Vasco għandhom ibatu l-ispejjeż tagħhom, kif ukoll dawk sostnuti mill-Kummissjoni u mill-Comunidad autónoma de La Rioja;

–        –               il-Confederación Empresarial Vasca (Confebask), il-Cámara Oficial de Comercio e Industria de Álava, il-Cámara Oficial de Comercio, Industria y Navegación de Vizcaya u l-Cámara Oficial de Comercio, Industria y Navegación de Guipúzcoa għandhom ibatu l-ispejjeż tagħhom.

4)

Fil-Kawżi T-267/01 sa T-269/01, il-Confebask għandha tbati l-ispejjeż tagħha, kif ukoll dawk sostnuti mill-Kummissjoni u mill-Comunidad autónoma de La Rioja.