9.5.2008 |
MT |
Il-Ġurnal Uffiċjali ta’ l-Unjoni Ewropea |
C 116/11 |
Talba għal deċiżjoni preliminari magħmula mill-Corte suprema di cassazione (l-Italja) fil-25 ta' Frar 2008 — Adige Carni scrl, fi stralċ vs Ministero dell'Economia e delle Finanze, Agenzia delle Entrate
(Kawża C-79/08)
(2008/C 116/20)
Lingwa tal-kawża: It-Taljan
Qorti tar-rinviju
Corte suprema di cassazione
Partijiet fil-kawża prinċipali
Rikorrenti: Adige Carni scrl, fi stralċ
Konvenuti: Ministero dell'Economia e delle Finanze, Agenzia delle Entrate
Domandi preliminari
1) |
Il-vantaġġi fiskali mogħtija lis-soċjetajiet kooperattivi, skond l-Artikoli 10, 11, 12, 13 u 14 tad-Digriet Presidenzjali Nru 601 ta' l-1973, huma kompatibbli mar-regoli tal-kompetizzjoni u, b'mod partikolari, jistgħu jiġu kklassifikati bħala għajnuna mill-Istat fis-sens ta' l-Artikolu 87 KE, speċjalment minħabba li s-sistema ta' sorveljanza u ta' korrezzjoni ta' l-abbużi prevista fid-Digriet Leġiżlattiv Nru 1577 ta' l-1947 mhuwiex adegwat? |
2) |
B'mod partikolari, għall-finijiet li jiġi ddeterminat jekk il-vantaġġi fiskali in kwistjoni jistgħux jiġu kklassifikati bħala għajnuna mill-Istat, dawn il-miżuri jistgħu jitqiesu li huma proporzjonati fir-rigward ta' l-għanijiet tas-soċjetajiet kooperattivi; tista' d-deċiżjoni dwar il-proporzjonalità tieħu in kunsiderazzjoni mhux biss il-miżura individwali iżda wkoll il-vantaġġ mogħti bil-miżuri kollha kemm huma, bid-distorsjoni tal-kompetizzjoni li tirriżulta minnhom? Sabiex tingħata risposta għad-domandi preċedenti, għandu jittieħed in kunsiderazzjoni l-fatt li s-sistema ta' sorveljanza ddgħajfet serjament u ulterjorment bir-riforma tal-liġi tal-kumpanniji, speċjalment fir-rigward tas-soċjetajiet kooperattivi ta' natura mutwalistika predominanti, iżda mhux esklużiva, skond il-Liġi Nru 311 ta' l-2004; |
3) |
Indipendentement minn jekk il-vantaġġi fiskali in kwistjoni jistgħux jiġu kklassifikati bħala għajnuna mill-Istat, jista' l-użu tal-forma ġuridika ta' soċjetà kooperattiva, anki f'każijiet li ma jinvolvux frodi jew simulazzjoni, jiġi kkunsidrat abbuż tad-dritt, meta din il-forma tintuża bl-iskop esklużiv jew prinċipali li tiġi ffrankata t-taxxa? |