28.4.2012 |
MT |
Il-Ġurnal Uffiċjali tal-Unjoni Ewropea |
C 126/9 |
Rikors ippreżentat fis-7 ta' Marzu 2012 — Il-Kummissjoni Ewropea vs Ir-Renju ta’ Spanja
(Kawża C-127/12)
2012/C 126/18
Lingwa tal-kawża: l-Ispanjol
Partijiet
Rikorrenti: Il-Kummissjoni Ewropea (rappreżentanti: W. Roels u F. Jimeno Fernández, aġenti)
Konvenut: Ir-Renju ta’ Spanja
Talbiet tar-rikorrenti
— |
tiddikjara li r-Renju ta’ Spanja naqas milli jwettaq l-obbligi tiegħu taħt l-Artikoli 21 u 63 tat-Trattat dwar il-Funzjonament tal-Unjoni Ewropea (TFUE) u taħt l-Artikoli 28 u 40 tat-Trattat dwar iż-Żona Ekonomika Ewropea (ŻEE) meta introduċa differenzi, fit-trattament fiskali applikat fir-rigward tad-donazzjonijiet u tas-suċċessjonijiet, bejn l-aventi kawża u d-donaturi residenti fi Spanja u dawk mhux residenti; bejn il-predeċessuri fid-dritt residenti fi Spanja u dawk mhux residenti; u bejn id-donazzjonijiet u dispożizzjonijiet simili ta’ beni immobbli li jinsabu ġewwa u barra minn Spanja. |
— |
tikkundanna lir-Renju tas-Spanja għall-ispejjeż. |
Motivi u argumenti prinċipali
(1) |
Fi Spanja, it-taxxa fuq is-suċċessjonijet u d-donazzjonijiet hija taxxa Statali li r-regolazzjoni bażika tagħha sseħħ permezz tal-Liġi 29/87 tat-18 ta’ Diċembru 1987, kif ukoll permezz tar-regolament approvat bid-Digriet Irjali 1629/1991, tat-8 ta’ Novembru. Il-ġestjoni u d-dħul fiskali ġew ittrasferiti lejn il-Komunitajiet Awtonomi, minkejja li l-leġiżlazzjoni Statali tapplika fil-każijiet li hija stess tiddetermina, prinċipalment fil-każijiet li fihom ma hemmx punt ta’ konnessjoni personali jew reali ma’ Komunità Awtonoma. |
(2) |
Fil-Komunitajiet awtonomi kollha li eżerċitaw il-kompetenza leġiżlattiva tagħhom fuq it-taxxa tas-suċċessjonijiet u d-donazzjonijiet, il-piż fiskali sostnut mill-persuna taxxabbli huwa kunsiderevolment inqas minn dak impost mil-leġiżlazzjoni Statali, li joħolq differenza bejn it-trattament fiskali applikat fir-rigward tad-donazzjonijet u tas-suċċessjonijiet bejn l-aventi kawża u d-donaturi residenti fi Spanja u dawk mhux residenti; bejn il-predeċessuri fid-dritt residenti fi Spanja u dawk mhux residenti; u bejn id-donazzjonijiet u dispożizzjonijiet simili ta’ beni immobbli li jinsabu ġewwa u barra minn Spanja. |
(3) |
L-imsemmija leġiżlazzjoni nazzjonali tikser l-Artikoli 21 u 63 TFUE u l-Artikoli 28 u 40 taż-ŻEE. |