BG
ES
CS
DA
DE
ET
EL
EN
FR
HR
IT
LV
LT
HU
MT
NL
PL
PT
RO
SK
SL
FI
SVInfo
- Referral date: 07-03-2014
- Show case reference
- Ruling date: 13-11-2014
- AG: Mengozzi
References in this case
Highlight in text
Go|
16.6.2014 |
MT |
Il-Ġurnal Uffiċjali tal-Unjoni Ewropea |
C 184/11 |
Rikors ippreżentat fis-7 ta’ Marzu 2014 – Il-Kummisjoni Ewropea vs Ir-Renju Unit tal-Gran Brittanja u l-Irlanda ta’ Fuq
(Kawża C-112/14)
2014/C 184/14
Lingwa tal-kawża: l-Ingliż
Partijiet
Rikorrenti: Il-Kummissjoni Ewropea (rappreżentanti: R. Lyal, L. Armati, aġenti)
Konvenut: Ir-Renju Unit tal-Gran Brittanja u l-Irlanda ta’ Fuq
Talbiet tar-rikorrenti
|
— |
tiddikjara li billi adottat u żammet fis-seħħ leġiżlazzjoni tat-taxxa li tikkonċerna l-għoti ta’ qligħ lil membri ta’ kumpanniji mhux residenti li tipprovdi għal differenza fit-trattament bejn attivitajiet domestiċi u dawk transkonfinali, ir-Renju Unit naqas milli jwettaq l-obbligi tiegħu taħt l-Artikolu 63 TFEU u l-Artikolu 40 taż-ŻEE jew, alternattivament, l-Artikolu 49 TFEU u l-Artikolu 31 taż-ŻEE; |
|
— |
tikkundanna lir-Renju Unit tal-Gran Brittanja u l-Irlanda ta’ Fuq għall-ispejjeż. |
Motivi u argumenti prinċipali
Il-leġiżlazzjoni nazzjonali inkwistjoni
It-Taqsima 13 tal-Att dwar it-Tassazzjoni tal-Qligħ Taxxabbli tal-1992 tipprovdi li meta ċertu tip ta’ kumpannija mhux residenti tagħmel profitti, dawn il-profitti jkunu taxxabbli immedjatament lill-azzjonisti u parteċipanti oħra li jkunu residenti fir-Renju Unit, indipendentement minn jekk dawn tal-aħħar jirċievux dħul.
L-argument prinċipali
Ir-residenti tar-Renju Unit ikunu responsabbli għat-taxxa fuq il-profitti ta’ ċerti kumpanniji mhux residenti li fihom huma jipparteċipaw, filwaqt li ma jkunux hekk responsabbli fil-każ li l-kumpanniji kkonċernati jkunu residenti fir-Renju Unit. Din id-differenza fit-tassazzjoni tista’ tiskoraġixxi lil persuni taxxabbli fir-Renju Unit milli jinvestu f’tali kumpanniji mhux residenti, bi ksur tal-Artikolu 63 TFEU u l-Artikolu 40 taż-ŻEE.
Il-miżura inkwistjoni tista’ tipprekludi ċerti tipi ta’ evitar tat-taxxa u abbuż. Madankollu, l-applikazzjoni tagħha ma hijiex limitata għal każijiet ta’ evitar tat-taxxa jew abbuż u għaldaqstant il-miżura ma hijiex iġġustifikata.